Helvítis ehf. er öflugt smáframleiðslufyrirtæki sem var stofnað í desember árið 2022 af hjónunum Þóreyju Hafliðadóttur margmiðlunarhönnuði og Ívari Erni Hansen matreiðslumanni, betur þekktur fyrir matreiðsluþættina Helvítis kokkurinn.

Við framleiðum ekta íslenskt matarhandverk með áherslu á gæði, vöruþróun og sérvalin íslensk hráefni ásamt heilbrigðum skammti af húmor.

Okkar leiðarljós er einfaldlega:

Leiktu þér að Helvítis matnum!

Allar vörurnar okkar innihalda séríslensk hráefni, eldpiparsulturnar eru framleiddar úr ylræktuðum eldpipar frá Laugarási, jarðarberin í jarðarberjasultuna koma frá Flúðum og Beikon og Brennivín kryddsultan inniheldur tunnulegna viðhafnarútgáfu Brennivíns.

Algeng spurning sem við fáum er „Af hverju Helvítis?” og svarið er í raun tvíþætt, annars vegar vildum við byggja ofan á velgengni vinsælu matreiðsluþáttanna, Helvítis kokkurinn og hins vegar fannst okkur það eiginlega bara pínu fyndið.

Við elskum að vinna með skemmtilegu fólki og flottum fyrirtækjum, sendu okkur línu ef þú ert með spennandi verkefni sem þú heldur að passi helvíti vel við okkur.